វិស័យធ្វើវិនិយោគទុននៅក្នុងស្រុកខ្មែរ
បន្ទាប់ពីរដ្ឋាភិបាលប្រទេសកម្ពុជាបានខិតខំ
អភិវឌ្ឍប្រទេស ជាពិសេសទាក់ទងទៅនឹងវិស័យវិនិយោគទុនជាងបីទសវត្សរ៍រួចមក
គេ សង្កេតឃើញថា
វិស័យវិនិយោគទុនទាំងនៅក្នុងស្រុកនិងក្រៅស្រុកមានភាពរីកចម្រើនយ៉ាងខ្លាំង
ដែលគួរឲ្យកត់សម្គាល់។
នាពេលប៉ុន្មានឆ្នាំចុងក្រោយនេះ
ប្រទេសកម្ពុជាបានទាក់ទាញវិនិយោគិនមកពីបណ្តាប្រទេស
ធំៗមួយចំនួននៅតំបន់អាស៊ី ក៏ដូចជាប្រទេសចិន កូរ៉េ
និងប្រទេសវៀតណាមផងដែរ។
អ្នកជំនាញផ្នែកវិនិយោគទុន និងអ្នកវិភាគ
សេដ្ឋកិច្ចមួយចំនួន បានលើកឡើងថា សន្តិភាព សេរីភាព
និងការរៀបចំនូវហេដ្ឋារចនាសម្ព័ន្ធនៅ ក្នុងប្រទេសបានល្អគឺជាកត្តាដ៏ចម្បងសម្រាប់ការ
ទាក់ទាញវិនិយោគិន ទាំងក្នុងនិងក្រៅប្រទេសឲ្យមកបណ្តាក់ទុននៅកម្ពុជា។
លោក ហេង បានបន្ថែមថា មិនមានការរើសអើង
ពូជសាសន៍រវាងជនជាតិខ្មែរនិងបរទេសទាក់ទងទៅនឹងការវិនិយោគទុននោះទេ ពោល
គឺមានការបនបន្ថយពន្ធដារដូចគ្នា ប៉ុន្តែវាខុសគ្នា ត្រង់ថា បរទេសពុំមានសិទ្ធិកាន់កាប់ទៅលើដីដូចវិនិយោគិនកម្ពុជាទេ។
លោកបានបន្ថែមទៀតថា កត្តាដែលសំខាន់ មួយទៀតគឺ
កត្តាសន្តិសុខជាតិ បើប្រទេស យើងពុំមានសន្តិភាព មានភាពចលាចល
និងមានសង្គ្រាមនោះវាជា រនាំងមិនឲ្យវិនិយោគមកបណ្តាក់ទុនទេ។
ដូច្នេះយើងគប្បីការពារ
ឲ្យបាននូវសុខសន្តិភាពនិងសុវត្ថិភាពដល់ក្រុមវិនិយោគិន
គឺធ្វើយ៉ាងណាឲ្យអ្នកទាំងនោះមានទំនុកចិត្តមកលើប្រទេសយើង។
លោក ជាម យៀប បានឲ្យដឹងទៀតថា
ប្រទេសចិនជាប្រទេសមួយដ៏សំខាន់ដែលបានវិនិយោគ នៅកម្ពុជា
ហើយនាពេលបច្ចុប្បន្នចិនកំពុងតែ វិនិយោគលើវារីអគ្គិសនី
ដែលពួកគេអាចទាញ ផលកម្រៃមកវិញ។ នៅឆ្នាំ២០១៥ខាងមុខនេះ ប្រទេសកម្ពុជា
នឹងទទួលនូវវារីអគ្គិសនីដែលទិញពីចិន ដែលមានកម្លាំងដល់ទៅប្រមាណជា
១៥០០ មេហ្គាវ៉ាត់ ក្នុងនោះទីក្រុងភ្នំពេញត្រូវការថាមពលអគ្គិសនីប្រហែលជា
៣០០ មេហ្គា វ៉ាត់ប៉ុណ្ណោះ ហើយថាមពលដែលនៅសល់
នឹងចែកចាយទៅតាមបណ្តារមូលដ្ឋានឲ្យប្រើប្រាស់ក្នុងតម្លៃមួយសមរម្យ៕
1 Comments
Iti is very good idea
ReplyDeleteសូមអរគុណចំពោះអតិថិជនដែលចូលមកកាន់គេហទំព័ររបស់យើងខ្ញុំ